no ta tur loke ta bon, ta bon pabo

Tende aki… Sigui otro siégamente, no ta unión Ta pèrdida di sano huisio

Uhu… Manera karné ta sigui siégamente, sin konektá ku loke ta rondó di dje

A baina… Tin bia nos tambe ta hasi meskos

dal bai sin para ketu mira si loke nos ta sigui ainda ta pas

ku loke nos ta para p'e

Por ehèmpel… Bo ta sigui traha un trabou pasobra e ta sigur i ta paga bon

Bo ta keda den un situashon

pasobra bo a inverti hopi

i kambio ta sinti manera tempu pérdi E lógika? Tin bía ta tradishon Tin bía ta komfortabilidat Tin bía ta lealtat Tin bia ta ...

No tin nada malu den esaki Kiermèn: no ta trata rechasa tur loke ta komún,

ni keda lucha kontra tur tradishon. Pero…

si e rasón ku bo a kuminsá ku e kos

ya no ta pas ku e berdat ku bo ta biba awe…

pakiko bo ta sigui?

Paso tradishon no mester

bira automatismo sin pensa mas

Komfortabilidat no mester

bira bo kouchi

i lealtad no mester kosta bo

bo sano huisio, bo identidat, bo integridat E pregunta ta simpel:

Loke ta moralmente bon

sosialmente aseptá, lógiko i ankrá… ta bon pa bo?

E punto ta… ku no ta tur loke ta bon, ta bon pa bo

Sano huisio ta tene bo alerta Sí. Ta e kapasidat pa keda mira kla aunke loke ta rondó di bo ta purba pushábo den otro direkshon Hepa ...wanta

Awo...

Puntra bo mes: Esaki ta di mi? Tin bia bo tin ku move loke ta konosí,

pa loke ta di bo florese.